كيفيه حماية نباتات الصيفيه والسنويه من الاحتراق بالصيف ..
سلام عليكم جميعا ..
الصيف والحر والحراق جانا ولسه اغسطس ما جا ..و بما اني مهتمه لزراعه واشوف الاهتمام بها نوع من انواع العلاج النفسي وتدريب على الصبر زرعت عندي بالبيت كم نبته صيفيه مثل الفل و الريحان والنعناع و الياسمين البلدي والجهنميه واحب ابلغكم انهم تقريبا ماتو .. طيحو كل ورقهم .. و بدأو يجفون .. حرفيا جربت كل شي قالو لي عنه مزارعين او مهتمين بالزراعه انقليهم ظل او سقيهم ماي بارد والي قال حطي ثلج ...إلخ حلول لم تنجح معي ..
فقلت مالي الا الاجانب وفعلا لقيت حلول حلوه بنزلها لكم
1| اول شي غطاء على النبات يحمي النبته من الحر والشمس الزايده وتعيش معه النبات وماتحترق او تتعرض للجاف هذا شكله على النبات :
أ|طيب وين نحصله بالاغلب عند المشاتل عندنا بالشرقيه على طريق الجبيل ب|والي مايقدر يروح للمشاتل جبته لك من امازون اكتبو "cover plants from heat" وراح يطلع لكم خيارات كثيره وحسب الحاجه
كثير قالو ماتفيد هالطريقه اذا كان فيه سموم زي الرياض والقصيم فيه انواع ثانيه لرياح او الحمايه من الحيوانات بس تقدرون تغيرون استخدامها و اعتقد انها بتحجب الشمس عشان كذا بس حطوها وقت الظهر "تذكر النبات كائن حي زي ماتهتمين باولادك اهتمي فيهم "
وفيه بعض الاشكال عندك امكانية الخيار بنوع الخامه نفس الي حاطه عليها دائره
ج| خيار للي مره متقفله بوجها احب اقولك لك حل خيشة البصل والبطاط تفي بالغرض تراهم نفس الخامه بس هذي صغيره واذا الفتحات كبيره حاولي تدبلينها
2| وشي اخر يخف حراره الجو على النبات الي هي المروحه المائيه للامانه مادري وين تحصلونها لكن شيكو على محلات الاجهزه :
نصائح جانبيه :
1|لا تسقين الظهر او العصر
2|ابدا لا ترشين ماي على النبات الظهر لانك بدال ماتلطفين الجو عليهم بتحرقينهم
3| نظفي النبات جيدا من السماد والمبيدات عشان ماتحترق اذا حترت الشمس
تعليقات
إرسال تعليق