ماذا افعل قبل الذهاب للمشاتل والمزارع ؟؟

ماذا افعل قبل ان اذهب للمشاتل او المزارع ؟؟:

سلام عليكم جميعا ..

دائم اذا رحنا للمشاتل حرفيا نضيع ،اشياء كثير من كل نبات انواع واشكال ، نتفاجا اذا رجعنا البيت ان الي نبيه ما شريناه والي شريناه مات بعد كم يوم، ولا معرفنا نتصرف فيه وووو اشياء تصير تضايقنا وتوترنا ،لان الي قدامنا شي مجهول لنا ،اخذناها لشكلها ولا لتسويق العامل او او، اشياء لوجينا لاصلها سخيفه بس شريناها وتوهقنا ..

بس صوره وحده فيها انواع يدوخ الراس من كثرها 

طيب وش الحل : الحل هو التنظيم فقط وهو بخطوات بحطها وامشوا عليها ..

1| ابحثي بالنت عن النبته الي تعيش بجو منطقتك والعنايه فيها ممكنه وليست صعبه ..

2| اكتبي ما وجدت من نبتات في نوت وكم تحتاج ..

3| احفظي صور للنبتات بالجوال لان بعض العمال مايعرفون عربي واذا يعرفون يسمون النبات باسماء غير ..

4| اطلعي لحديقتك اكتبي بالضبط وش بتحتاجين فيها ..

5| خوذي ميزانيه متوقعه قريبه لبضبط الي تحتاجينه عشان متشترين زياده ..

6| راجعي النوت قبل لا تطلعين وتاكدي كل شي كامل ..

طيب وصلتي للمشتل وش تسوين هناك عشان ما يخلونك تشترين اشياء ماتحتاجينها  :

1| اول مايجيك العامل ابدائي اساليه عن النبات الي عندك بالقائمه ..

2| ابدا ابدا لا تقبلين الي يعطيك العامل من دون ماتتفحصينها ..

3|تاكدي ان نباتك خالي من الامراض والحشرات ..

4| لاتقبلين باي خيارات يعطيك اياها العمال خارج قائمتك ..

5| لو صار ماحصلتي نبات في القائمه ابدا لا تستبدلينه بنبات ماتعريفينه ..

6|شيكي ع القائمه والاغراض قبل الحساب اي شي مو موجود باللسته رجعيه ..

كل مره راح تسوين فيها هالطريقه راح تكتشفين انه المشاتل صارت متعه مو شي تتوهقين فيه ولا تعرفين وش تاخذين وش تخلين ، بتوفرين فلوس كنتي تحطينها في اشياء ماتفيدك، اخيرا راح تكون حديقتك مرتبه مافيها نبات جاف ولا شتلات مريضه لانك عارفه تتعاملين بالضبط مع كل نبته ..

هذا تجربتي بعد ماصرفت فلوس على الفاضي ومرات كان يجيني اكتئاب من النبات لاني موعارفه كيف اتعامل مع نبته شريتها وتوهقت فيها واكتشفت التنظيم التنظيم  ..

اتمنى افدتكم ولو بشي بسيط ..

دمتم بخير ..