العنايه الكوريه بالبشره korean skin care ..

الطريقه الكوريه للعنايه بالبشره korean skin care  والحصول على بشره صافيه خاليه من البقع و التصبغات 

السلام عليكم جميعا ..

ايام اول يقولون اجمل مافي البنت شعرها.. بس الحقيقه اجمل ما في البنت كلها محتاجه تعتنين بكل شي فيك من شعرك لاظافر رجلك..

واهم شي الواضح للعيان (وجهك) الي هو موضوعي اليوم .. 

العنايه الكوريه للبشره :

انا سمعت عنها عند ماجده الصباح واعجبتني الطريقه وجربتها وفعليا عالجة بشرتي وفعليا تخليت عن الميكب و إستبدلت فلوسي الشهريه الي تروح للميكب للعنايه بالبشره ..

متخيلين جمال بشرتها.. كيف ودك بس تتاملينها ..مو محتاجه الا رتوش مكياج 

العنايه بالبشره عند الكورين  شي اساسي زي الاكل والشرب "في المطاعم عندنا" عند الفرد الكوري يخصص جزء من راتبه الشهري لمنتجات العنايه بالبشره حريم ورجال ويهربون من الشمس، يحبون البياض الصارخ، ودايم عنايتهم فيها كولاجين وفايتمنز E،A،C ونباتات عشبيه طبيه ومرات حتى فيها منتجات حيوانيه وخصوصا الخنزير .

وجبت لكم طريقه العنايه بالبشره في كوريا الي كلنا منفتنين بجمالها كأنها قزازه على قولت امي المهم .. هي شوي طويله بس مع التكرار تصير روتين وشي عادي تسوينه بالبدايه زهق وطش بس لما تبدأين تشوفين النتائج بتواصلين .. 

راح احط كل خطوه ومنتجات  لها فيه رخيييص وفيه الوسط مافيها شي غالي  الا شيئين الباقي فعلاً في متناول الجميع ..

خطوات العنايه بالبشره على الطريقه الكوريه :

1| التنظيف " مع ميكب او بدون " : ازاله المكيب بمزيل ميكب اي كان مستحضرك مائي او زيتي او ورقي ، ثم امسحي الوجه مره اخرى بمنديل ورقي لتأكد من خلو وجهك تماماً من الميكب .

منتجات  :

مزيل ميكب مائي من قارنييه ب 45 ريال 

مناديل ورقيه بزيت زيتون Innisfree من iherb ب 20 ريال 

2| غسل الوجه بغسول : وذلك لازالة الدهون وباقي الميكب ومستحضرات التنظيف و(اضافه مني غسول لتضيق المسام ):

منتجات :

غسول وجه من كلينيك ثلاث خطوات من وجوه ب 150 ريال

غسول وجه للمسام skin food من iherb ب28 ريال 

3| مقشر وجه ( اختياري ) : لتخلص من الجلد الميت وتقدرين تستخدمينه مره الى مرتين بالاسبوع " مهم لي لان بشرتي دهنيه فتلم شوائب ودهون " :

منتجات :

مقشر السكر الاسود من skin food من iherb ب 34 ريال

4| مقشر شفايف : لازالة الطبقه االاولى ومع الاستمرار تصير ورديه  ..

منتجات :

مقشر شفاه tony moly من iherb ب 18 ريال 

5| ماسكات مغذيه : انا استخدم ماسكات معقمه للحبوب الي تطلع و ماسك تحكم بالدهون :

منتجات :

ماسك طين البحر الميت من dr.organic من الصيدليه ب 45 ريال 

ماسك الشاي الاخضر من العطار ب 16 ريال 

6| تونر : ويمسح الوجه بقطنها فيها تونر ولذلك لتنظيف الوجه تماما من اي رواسب مواد من المنتجات السابقه :

منتجات  :

تونر للوجه من جموعه ثلاث خطوات من وجوه 

7| زيوت مغذيه ( اختياري ): أ| زيت فايتمن E او C ، ب| انا استخدم زيت الارقان ج| زيوت الانبولات " في الصيدليه " د| زيوت معالجه .


منتجات :

زيت E من iherb 

زيت الارقان dr.organic من الصيدليه ب 170 ريال

8 | ماسكات ورقيه (اختياري ) : تنشط الدوره الدمويه وتحفيز الكولاجين و تخلي الزيوت السابقه تدخل عميق بالبشره وممكن تستخدمينها مره بالاسبوع .

منتجات :

9 كريم العين : للعنايه المركزه لمنطقه العين ويتم اختيارها حسب الحاجه "تجاعيد ، هالات ، ارهاق ...إلخ "

منتجات :

لصقة الجل المرطب للعين(Racoony)  من secret key من iherb ب45 ريال

10 | مرطب خفيف : ليش خفيف لان اصلا كل الخطوات السابقه كلها مركزه على الترطيب  ..

منتجات :

مرطب للوجه من كلينك ثلاث خطوات من وجوه 

11 | وواقي شمس اهم شي للحفاظ على الخطوات السابقه الشمس تلعب بالبشره وتخربها  ينحط الصبح ويتم تجديده كل ساعتين..

منتجات :

واقي الشمس من الصيدليه ب 160 ريال في بدائل له بس هذا الي جربته 

طويله مرا ادري احس بشعوركم اول ماقريتها .. بس طبعت الخطوات ولصقتها عند مغسلتي وصرت يوميا امشي عليها مهما كان وضعي تعبانه مرهقه مالي خلق ..امشي عليها بالغصب لين شفت النتايج صرت حريصه عليها اكثر.. الحين اطلع بس راسمه حواجبي وحاطه مسكره او كحل خفيف ومرطب وسعيده جدا جدا ، ارتحت من الشكليات والساعه اليوميا تروح على الميكب وكشختي ..





مواقع الطلب اون لاين :

I Herb :

https://sa.iherb.com

 وجوه اون لاين :

https://www.wojooh.com/sa-ar

اعتذر على الاطاله  ..

دمتم بخير ..